Коронавируска каршы республикалык штабдын башчысы Жылдыз Бакашова жумушун түшүнгөнчө эле апаат курчуп, эл алапайын таппай калган чагы. Тажрыйбасыз кадрдын кылары ушул тура. Карапайым калк жапырт ооруп, өзгөчө улуу муундагылар кыйналып аткан чакта, Жылдыз Бакашова жарытылуу ишин көрсөтө албай, көпчүлүктүн убалына калганы калды.

“Көлдүк карта” аркылуу китепканадан министрлик кызматка космостук тездикте көтөрүлүп, көзү умачтай ачылып отурган кербези. Кадр саясатында ыраатсыздык орун ала берсе, акыры мамлекетибизди туңгуюкка такап, жардан ары тоголотуп албайбызбы? Эми Жылдыз Бакашова жыбылжый басып, ишин үйрөнгүчө артынан ирип бүтпөйбү?

Булак: Азия News гезити