2021-жылдын 20-январында Кыргыз Республикасынын Тышкы иштер министрлигинин демилгеси боюнча КР Экономика министрлигинин, КР Финансы министрлигинин, КР Айыл чарба, тамак-аш өнөр жайы жана мелиорация министрлигинин, КР Маданият жана туризм министрлигинин, Өнөр жай, энергетика жана жер казынасын пайдалануу мамлекеттик комитетинин жана КР Инвестицияларды илгерилетүү жана коргоо агентигинин жетекчилеринин катышуусунда министр Руслан Казакбаевдин Кыргыз Республикасынын Өкмөтүнүн областтардагы ыйгарым укуктуу өкүлдөрү  жана шаарлардын мэрлери (областтардын административдик борборлорунун башчылары) менен онлайн жолугушуусу болуп өттү.

Жолугушуунун жүрүшүндө Р.Казакбаев Министрлик региондордун потенциалын илгерилетүү маселесине, ошондой эле Кыргыз Республикасынын чет өлкөлөрдөгү мекемелери менен биргеликте чет өлкөлүк инвестицияларды тартуу, өлкөнүн экспорттук жана туристтик потенциалын илгерилетүү боюнча максаттуу иш алып барууга өзгөчө көңүл бура тургандыгын белгиледи. Ошону менен бирге, өлкөдөгү социалдык-экономикалык абалды турукташтырууга көмөк көрсөтүү максатында иштелип чыккан жана КР Тышкы иштер министрлиги тарабынан кабыл алынган (2020-ж. 16-октябрында) Кризиске каршы чаралар жана аракеттер планы тууралуу маалымат берди.Алсак, КР ТИМ Кризиске каршы чаралар жана аракеттер планына ылайык Министрлик КРдин чет өлкөлөрдөгү мекемелери менен бирге экономикадагы көйгөйлөрдү чечүүгө, COVID-19 жайылышына байланыштуу эпидемиологиялык абалды турукташтырууга көмөк көрсөтүү боюнча жигердүү иш алып барууда.

• 
• Тышкы саясат ведомствосунун башчысы ошондой эле өлкө үчүн оор эпидемиологиялык мезгилде Министрлик КРдин чет өлкөлөрдөгү мекемелери менен биргелешип өлкөнү тийиштүү жеке коргонуу каражаттары менен камсыздоо, ИВЛ аппараттары, кычкылтек концентраторлору, тест-системалар, лабораториялык тестирлөө үчүн реагенттер, АЦР-тесттер  жана башка медициналык жабдыктар түрүндөгү гуманитардык жардамды, анын ичинде КР региондору менен чет өлкөлөр ортосундагы боордоштук мамилелер жана достук байланыштар аркылуу жардам тартуу жаатында иш жүргүзгөндүгү тууралуу кабарлады.
• Министр Р.Казакбаев тарабынан областтардын приоритеттүү тармактары боюнча сапаттык инвестициялык долбоорлорду, соода-экономикалык жагына басым жасоо менен мазмундуу презентацияларды иштеп чыгуу жана андан ары илгерилетүү аркылуу региондордун оң имиджин калыптандырууга өзгөчө көңүл бурулуп, жыйынтыкка жетишүү үчүн профилдик министрликтердин жана ведомстволордун КР Өкмөтүнүн областтардагы ыйгарым укуктуу өкүлчүлүктөрү менен өз ара аракеттенүүнү орнотуунун маанилүүлүгү белгиленди.
• 
• КР ТИМ башчысы Р.Казакбаев КР региондору/шааралары менен чет өлкөлөрдүн региондорунун/шаарларынын ортосунда боордоштук мамилелерин орнотуу жөнүндө макулдашуулардын активдештирилгендигине басым жасады. Эки тараптуу документтердин алкагында областтардын соода-экономикалык потенциалын өнүктүрүү мүмкүнчүлүктөрүн өзгөчө белгиледи.

• Жолугушуунун катышуучуларына КРдин тийиштүү мамлекеттик органдарына чет өлкөлөрдөн инвестицияларды тартуу, экспортту, туризмди жана экономикалык дипломатия менен байланыштуу башка милдеттерди илгерилетүү боюнча КР ТИМдин түзүмдүк бөлүмдөрү жана КРдин чет өлкөлөрдөгү мекемелеринин аракеттери тууралуу маалымат берилди.Өздөрүнүн баяндамаларында КР Өкмөтүнүн областтардагы ыйгарым укуктуу өкүлдөрү менен шаарлардын мэрлери инвестициаларды тартып келүү жаатында аткарылып жаткан иштери, учурда региондордо ишке ашырылып жаткан долбоорлор, экспорттук потенциал жаатында маалымат беришти.Министрликтердин жана ведомстволордун жетекчилери өз кезегинде ыйгарым укуктуу өкүлдөрдүн жана шаарлардын мэрлеринин суроолоруна жооп берип, инвестициялык долбоорлорду түптөө критерийлери/стандарттары жана инвестицияларды илгерилетүүгө жана коргоого байланышкан башка маселелер боюнча кеңири маалымат беришти. Ошону менен бирге, Тышкы иштер министрлиги тарабынан жүргүзүлүп жаткан чет өлкөлүк инвестицияларды тартуу жана чет өлкөлүк инвесторлорду коргоого көмөктөшүү боюнча иштин маанилүүлүгүн белгилешти.

• Жолугушуунун алкагында катышуучулар менен диалог уюштурулуп, анын жүрүшүндө көйгөйлүү маселелер да, аларды чечүү жолдору да, ошондой эле региондордун потенциалын жакшыртуу жана илгерилетүү боюнча бир катар сунуштар айтылды.

  Бул контексте, Министр Р.Казакбаев болуп өткөн онлайн кеңешмени  жыйынтыктап, областтардын башчыларынын жана ВКСтин катышуучуларынын биргелешкен күч-аракеттерин концентрациялоо үчүн төмөнкүлөргө көңүлдөрүн бурду:

  1)Соода-экономикалык, экспортко багыталган жана инвестициялык түзүүчүлөр бөлүгүндө ар бир өзүнчө алынган региондун/областтын дараметин ачууга фокусу менен региондордун актуалдаштырылган «паспортторун» даярдоо;

  2)инвестициялык долбоорлордун жаңыртылган маалымат базасын түзүү, аны AПЗИ тарабы сунуш кылган бирдиктүү форматты эске алуу менен кайра карап чыгуу керек;

  ошондой эле КР ТИМ – КРдин чет өлкөлөрдөгү мекемелери – өзүнчө алынган областтын жетекчилиги форматында ар бир региондун дараметин өнүктүрүү боюнча бир нече онлайн кеңешмелерди уюштуруунун максатка ылайыктуулугу билдирилген.

  Жолугушуунун аягында Министр Р.Казакбаев катышуучулардын баарына маектешүүгө жигердүү катышкандыгы үчүн ыраазычылык билдирип, өлкөнүн региондорунун кызыкчылыктарын илгерилетүү жана ыйгарым укуктуу өкүлчүлүктөрдү презентация, регион же шаар жөнүндө кыска видеоролик (орус, англис жана мүмкүн болсо башка тилдерде да) түрүндөгү мазмундуу материалдар, сапаттуу долбоорлор менен камсыздоо ишине колдоо көрсөтүү жаатында андан ары өз ара кызматташууга үмүт арта тургандыгын билдирди

  Иш-чаранын катышуучулары бул онлайн жолугушуунун маанилүүлүгүн белгилеп, жолугушуулар туруктуу негизде өткөрүлүп туруусуна үмүттөнүшкөндүгүн айтышты.

• Булак: NazarNews.kg