Париждеги Олимпиада оюндарында байгелүү орун алган спортчуларга мамлекет канча акчалай сыйлык берери айтылды.

Өкмөттүн маалымат кызматы билдиргендей, алтын алган спортчуга 10 млн сом, күмүш үчүн 7 млн жана коло байге үчүн 5 млн сом сыйлык берилет.

Белгилей кетсек, 2020-жылы өткөн Токиодогу Олимпиаданын жеңүүчүлөрү дагы ушул өлчөмдө акча алышкан.

Париждеги Олимпиада оюндары 26-июлда башталган, 11-августта жыйынтыкталат. Кыргызстандан бул жарышка 16 спортчу аттанган. Алардын ичинен үч спортчу мелдештен четтеди.

Булак: NazarNews.kg