Быйыл күзүндө аскердик кызматка чакырылгандардын саны 2021-жылдын күзүнө караганда азыраак болуп, 120 миң адамды түзөт. Бул тууралуу 22-сентябрда РФ Куралдуу күчтөрүнүн Башкы штабынын уюштуруу жана мобилизациялык башкы башкармалыгынын өкүлү контр-адмирал Владимир Цимлянский билдирди.

"Бул өткөн күзгө караганда азыраак, бирок атайын аскердик операция учурунда да бул сан мамлекеттин укук коргоо органдарынын муктаждыктарын толугу менен канааттандырат", - деди аскер башчы.

Контр-адмирал ошондой эле ар бир чакыруу кампаниясы башталганга чейин аскердик кызматка чакырылган жарандардын саны Россия Федерациясынын Президентинин жарлыгы менен белгиленерин билдирди.

Ал ошондой эле аскердик кызматка чакырылган жарандар Донбассты коргоо боюнча атайын аскердик операцияга тартылбай турганын баса белгиледи. Ал эми кызмат өтөө мөөнөтү аяктаган бардык аскерге милдеттүүлөр кызматтан бошотулуп, жашаган жерине жөнөтүлөт.

Булак: NazarNews.kg