Энелер күнүнө карата 15-майда борбордо уюштурулган парадга эмгек, социалдык камсыздоо жана миграция министри Кудайберген Базарбаев да катышты. Министрликтин басма сөз кызматынын маалыматы боюнча, иш-чара министрликтин колдоосу менен пенсионерлер партиясы тарабынан уюштурулган.

Катышуучулар борбордон Максим Горький атындагы скверге чейин басышты. Жолугушуунун алкагында аймактардагы активист айымдарга министр ардак грамоталарды тапшырган. Ошондой эле президент Садыр Жапаровдун атынан парадга катышкан 500 айымдын баарына ак жоолук беришти.

Булак: NazarNews.kg