БРИКС саммитинин алкагында Владимир Путин Боливиянын Көп улуттуу мамлекетинин президенти Луис Альберто Арсе Катакора менен жолугушту.

Владимир Путин: Урматтуу президент!

Сиздерди Россияда кайрадан көргөнүмө абдан кубанычтамын. Июнь айында Санкт-Петербургга болгон иш сапарыңыз жемиштүү болду. Биз олуттуу сүйлөшүүлөрдү жүргүзүп, Санкт-Петербург эл аралык экономикалык форумунун пленардык жыйынына чогуу катыштык.

Орус-боливиялык кызматташтык достуктун жана өз ара урматтоонун жакшы салттарына негизделген. Эки тараптуу мамилелер түрдүү тармактарда, анын ичинде саясий, экономикалык, соода-сатык, билим берүү жана маданият тармактарында ырааттуу өнүгүүдө. Биздин өлкөлөр дүйнөлүк түзүлүштүн негизги принцнптери боюнча үндөш позицияларга ээ жана биз Бириккен Улуттардын Уюмунда биргелешип иштейбиз.

Биздин чакыруубузга жооп берип, БРИКС саммитине Казанга келгениңизди жогору баалайбыз. Сиз өз сөзүңүздө азыркы геосаясий кырдаалга берген бааңыздарды кызыгуу менен уктук.

Саммит ийгиликтүү өттү деп ойлойм. Биз БРИКСти дүйнөнүн көпчүлүк өлкөлөрү барган сайын чыныгы беделдүү жана зарыл эл аралык бирикме катары кабыл алып жатканын көрүп жатабыз.

Ал эми бүгүнкү жолугушууда биз эки тараптуу кызматташуунун эң актуалдуу темаларын жана көп тараптуу күн тартибиндеги маселелерди талкуулай алабыз.

Сизди көргөнүбүзгө биз абдан кубанычтабыз, господин Президент. Кайрадан кош келиңиз.

Л.Арсе (которуу боюнча): Президент Путин, кабыл алуу үчүн чоң рахмат. Биз ар дайым ушундай иш-чараларга катышууга кубанычтабыз жана сиз менен ар кандай темада түз диалог жүргүзүү мүмкүнчүлүгүнө ээбиз.