Жетекчи болуу үчүн ага ылайык келген сапаттар да керек эмеспи. Болбосо ал жетектеген тармак сазга батып, бытырандыланып, коррупция менен башаламандыктын ордосуна айланаары турган иш. Айталы, Кыргыз Республикасынын мамлекеттик мүлктү башкаруу боюнча фондун 39 жаштагы Ренат Түлөбердиев жетектеп келет. Ырас, «бийликке жаштар келсин, жаштар жетекчи болсун» деген демилгени биз деле айтып келебиз. Бирок, ошол жетекчи боло турган кадрын иш билги, жетекчилик мыкты сапаттарга ээ болсо гана.

Тескерисинче, же ишти түзүктөп алпара албай, акчасы бар жана жогорку бийликте тургандарга өз позициясын, милдеттерин тастыктап, такылдап жооп узата албаган жетекчиден эмнени күтсө болот. Ренат Тулөбердиев ушу тапта ар кимдин оозун караган кункарамага айланып, жадагалса өз тармагынын кызыкчылыгын коргой албай туру. Ишенбесеңер, бул жетекчи мажирөө болуп жатканын Маммүлктөгүлор эле байма-бай айтышууда. Демек, кетиши керек! Өзү билбеген соң башкаларды да кыйнап не кереги бар?

Булак: "Де факто"