Равшан, сен жалап-жуктабаган АША калдыбы?!

Журналист: NAZARNEWS

21.03.2019, 1:46

19931

саясат

Ал жерде сага орун жок! Кечээ эле Атамбаевди “тепкилеп” келаткан Равшан Жээнбеков 17-мартта Атамбаевдин тарапташы экенин билдирип, бүгүнкү бийликтин дарегине ачуу сөздөрүн “жаадырды”. Анын мындай хамелеондой кубулмалыгын сынга алгандар көп болууда. Бул боюнча Султанбек аттуу интернет колдонуучу да Azattyk.org сайтына төмөнкүдөй пикирин жазды: - Айланайын Равшан, кудайды карап бетпак болбойсунбу?

Оппозиция деген ыймансыздар менен абийирсиздер, кудайдан жөө качкандар менен ууру-кескилер, бандиттер үчүн эмес, да колу таза, абийири таза, башында мээси, бетинде кызылы барлардын иши! Ал жерде сага орун жок! Бир жыл Госкомимуществодо иштеп, колуңду акырегиңе чейин салып ийгенсиң, эл мүлкүнө тумшугуңду мойнуңа чейин батырып ийгенсиң! «Дело №» гезитиндеги макаланы жумурай журттун баары окуган. АКШ менен Малайзияга чейин особняктарды толтуруп, сени кызматка көтөргөндөрдүн баарын шытырата сатып, анан эми АША калдыбы сен жалап-жуктабаган?! Эл сүйлөсө да сен оозуңу бас, байкебай!

Булак: “Майдан.Kg”