Спирт ичимдиктерин ичүү рак илдетин жана жүрөк-кан тамыр ооруларынын өөрчүшүн шарттайт. Бул тууралуу чет элдик басылмалар жарыялаган изилдөөдө баяндалат. Нью-Йорк университетинин окумуштуулары 55тен 78 жашка чейинки 1044 кишинин изилдөөгө алышкан. 

Жыйынтыгында арак ичпеген 270, анда-санда ууртап койгон 614 кишинин жана такай арак ичкен 160 кишинин көрсөткүчтөрүн салыштырышкан. Адистер арак ичкен кишилердин микрофлорасында өзгөрүүлөрдү байкап, сезгенүүнү, жаранын ириңдешин жана шишиктерди пайда кылуучу бактериялардын көбөйгөнүн аныкташкан. Бул өз кезегинде ооздун жана сиңирүү органдарынын рак оорусуна алып келет.

Булак: NazarNews.kg