www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
АКШнын азыркы президенти Дональд Трамп шайлоодо жеңишке жете турганын кайрадан жар салды. Бул тууралуу РИА Новости жазды.
Ага ылайык, Трамп Жорджияда тарапташтары менен жолугуп, эгер шайлоонун жыйынтыгы кайра каралса, жеңиш ал тарапта болорун белгилеген.
Ал демократтарды добуш берүү учурунда бурмалоо жасады деп күнөөлөгөн.
"Бардык штатта жүз миңдеген добуштар мыйзамсыз берилген", — деген Трамп.
АКШнын азыркы ажосу Жорджия бийлигин шайлоону талкуулоо үчүн жергиликтүү мыйзам чыгаруу органын чогултууга чакырган. Анын айтымында, эгер почта аркылуу келген бюллетендерде шайлоочулардын добушун текшерсе, бул штатта ал жөн эле алдыга озуп кетет.
АКШда президенттик шайлоо 3-ноябрда өткөн. Алдын ала жыйынтык боюнча, анда Американын мурдагы вице-президенти, демократ Жо Байден уткан. Бирок азыркы президент Трамп шайлоодо утулганын мойнуна ала элек. Ал добуш берүүнүн жыйынтыгын сот карап чыгышы керек деген оюнан кайта элек.
Булак: NazarNews.kg
< Предыдущий
Следующий >
Последние новости
