Түркиядагы чалгындоо учагынын кыйрашынан 7 адам набыт болду

Журналист: ЖАҢЫЛ СТАЛКЕРИМОВА

07.12.2020, 17:23

18570

дүйнө жүзүндө

Түркиянын Ван провинциясында чалгындоо учагы кулап түшүп, жети коопсуздук күчтөрү, анын ичинде эки учкуч набыт болду. Бул тууралуу чет элдик басылмалар жазып чыкты.

Маалыматка ылайык, Түркиянын мамлекеттик Анадолу маалымат порталы Ван провинциясында чалгындоо учагы кулап, жети түрк коопсуздук кызматкери мерт кеткенин кабарлады.
Бул тууралуу Түркиянын ички иштер министри Сулейман Сойлу чалгынчы учактын кулап, коопсуздук күчтөр каза болушканын кабарлаган. Өлгөн жети полиция кызматкеринин экөөсү учкуч экени айтылууда.
Окуя Гоа аймагындагы Артус тоолорунан 2200 метр бийиктикте болгон. Түркиянын Ички иштер министрлиги кырсык боюнча тергөө жүрүп жатканын билдирди.

Белгилей кетсек, 13-июлдан бери Ван жана Хаккари провинцияларында чалгындоо жана байкоо жүргүзүү учуулары аткарылууда. Ал эми кырсыкка учураган учак Ван Фрид Меллен аэропортунан жергиликтүү убакыт боюнча таңкы саат 6: 35те учуп кеткен. Учкучтар күзөт мунарасы менен акыркы жолу эртең мененки 10: 32де байланышып, эртең мененки саат 10: 45те үзгүлтүккө учурашкан.
Окуя жана анын себептери жөнүндө кененирээк маалымат азырынча бериле элек.

Булак: NazarNews.kg