Самаркандда онлайн-аукцион аркылуу облус коду түшүрүлгөн 30 Z 777 ZZ автоунаа номуру 596,5 миллион сумга (57 миң доллар) сатылды. Бул Өзбекстанда 2021-жылы автоунаа номурларын сатуу боюнча өткөн аукциондордогу рекорддук сумма болду.

Өзгөчө айкалыштагы сандар жана тамгалардан турган «кооз» номурдун ээси эми негизги суммадан тышкары келишим үчүн 29 миллион сум (2 800 доллар) өлчөмүндөгү комиссиялык жыйымды төлөп бериши керек.

Бул номур аукционго өткөн жылы 14-декабрда коюлган. Анын баштапкы баасы 111,5 миллион сум (11 миң доллар) деп көрсөтүлгөн.

Маалыматтарга ылайык, 2020-жылы Өзбекстанда сатылган эң кымбат автоунаа номурунун баасы 206 миллион 700 миң сумду (20 миң доллар) түзгөн. Бул жылы жалпысынан өлкө боюнча 262,6 миллиард сумга (25 миллион доллардан ашык) 106 миң автоунаа номуру сатылган.

Бул макала NazarNews басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын уруксаты менен гана мүмкүн.

Булак: NazarNews.kg