www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Британия менен Европа Биримдиги Брекзит сүйлөшүүлөрү боюнча ушул аптанын соңунда компромисс табууга үмүт кылып жатышат. 9-декабрда Брюсселге келген британ премьер-министри Борис Жонсон менен Европа комиссиясынын төрайымы Урсула фон дер Ляйендин үч саатка созулган сүйлөшүүсү жыйынтыксыз аяктады.
Жонсон сүйлөшүүнү «ачык жана жандуу өттү» деп баалаганы менен 2021-жылдан тартып эки тараптын мамилесин тескеген келишим боюнча конкреттүү чечим кабыл алынган жок.
Сүйлөшүүдөн соң Еврокомиссиянын төрайымы «Твиттердеги» баракчасына: «Биз позицияларыбызды түшүнөбүз, алар бири-биринен алыс болуп жатат. Тараптар дагы бир жолу жолугуп, эс алуу күндөрү чечим кабыл алынгандай болушу керек»,- деп жазды.
Улуу Британия Евробиримдиктен ушул жылдын январында чыгып кеткен. Британия өзүнө таандык сууларга европалык балыкчылардын киришине каршы болуп жатат.
Ошондой эле, расмий түрдө Лондон өнөр жайы жана экология боюнча саясатты өз алдынча жүргүзүүнү каалайт.
Эгер быйыл 31-декабрга чейин эки тарап мунасага келип, келишим кабыл албаса, анда Британия менен Европа Биримдигинин соода мамилеси Дүйнөлүк соода уюмунун эрежелерине ылайык жүргүзүлөт.
Анда тараптардын чек арасында бажы көзөмөлү орнотулуп, товар жана кызмат көрсөтүүдөн төлөмдөр алынышы керек.
Булак: NazarNews.kg
< Предыдущий
Следующий >
Последние новости
