Эркин журналист Шаирбек Маматокторов: Чет элдик өкүлдөр тууралуу мыйзам долбоорун бийлик Жогорку кеңештин жайкы эс алуусуна чейин кабыл алууга аракеттенген, бирок жарандык коом, көз карандысыз эксперттер, журналисттердин каршылыгы жана эл аралык уюмдардын колдоосу менен ал күн тартибинен чыгарылды. Анткен менен, маселе толугу менен чечилди деп ойлобош керек, долбоор күзүндө кайра калкып чыгышы мүмкүн – көп нерсе Орусиядагы абал менен байланыштуу. Украинага каршы согушта Москванын туруму солгундай баштаганда жана өзгөчө Пригожиндин козголоңунан кийин Кыргызстандын саясатчылары же журналисттери гана эмес, катардагы жарандар дагы: «Ишенген кожом сен болсоң», – деп ойлоно баштады...