Профессор Сулайман Кайыпов: Жандоочу кийик аттырат дегендей, президенттин жанындагылар көп нерсени чечип, кээде президентке ар башка документтерди даярдап келип, тиги же бул маселе боюнча чечим чыгартып, тиги же бул сөздөрдү айттырат. Илимдер академиясы тууралуу жарлык жөнүндө кечээ күнү сөз кылдык эле, бирок андан башка дагы мисалдар бар. Кыргыздар жалкоо, иштей албайт деген тууралуу көп эле айтылды, андан башка – Кемпир-Абад маселесинде биз уттук деген сөздөрдү кимдир бирөө – биз утулган турбайбызбы, маселени кайра карап чыгыш керек экен десе эмне болот?..