Боом капчыгайында жол кырсыгы болуп, автоунаа тыгыны жаралды. Бул тууралуу Чүй облустук жол кыймылынын коопсуздугун камсыздоо башкармалыгынын маалымат кызматы билдирди.

Окуя бүгүн күндүз болгон. ЖКККБнын маалыматына ылайык, эки айдоочу рулду башкара албай калып, унаалары ортодогу тосмону (парапет) сүзгөн. 

"Жол кырсыгынан улам тыгын пайда болду. Жеринде биздин кызматкерлер иш алып барып жатат. Эки айдоочу да жайкы дөңгөлөк менен жүргөн экен", — деп айтылат маалыматта. 

Булак: NazarNews.kg