Бул табышмактуу маалымат Жаңы-жылга чейин эле социалдык тармактарда пайда болгон.  Жаратуучулар жасалма адамдар тууралуу кеңири айтпай, кызыктыруучу публикацияларды жарыялоо менен гана чектелишүүдө. 

Samsung компаниясы жаңы техникасы-жасалма адам менен Лас-Вегастагы (АКШ) эл аралык көргөзмөдө тааныштырат.  Бул тууралуу чет элдик булактар жазып чыгышты.

Жаңы өндүрүш NEON деп аталат жана виртуалдык адамдын эмоциясы жасалма интеллектке негизделген. Долбоордун Twitter баракчасына  бир нече жасалма адамдын сүрөтү жарыяланды. Кийинчерээк ал сүрөттөр өчрүлгөнү менен колдонуучулар аны сактап калганга жетишип, YouTube каналына жарыялашкан.

Маалыматтарга караганда, өндүрүш компютердик анимациядан алыс, бул жасалма адамдар табигый адамдардан айырмасы дээрлик жок. Өндүрүштү гид, катчы, теле алып баруучу, жана кабылмада туруучу администратор катары колдонсо болот.

You will soon meet #NEON pic.twitter.com/Sm1WbhG0Er

— NEON (@neondotlife) December 23, 2019

CES 2020 көргөзмөсүндө көрсөтүлүүчү жасалма адам жөнүндө долбоордун жетекчиси Пранав Мистри  Twitterдеги баракчасына: “ CORE R3 демоверсиясы иштейт жана тааныштырылууга даяр. Азыр жасалма адам өз кыймыл-аракетин  көзөмөлдөй алат. Бир канча тилде маектешет”,-деп билдирген ал.

 

Flying to CES tomorrow, and the code is finally working :) Ready to demo CORE R3. It can now autonomously create new expressions, new movements, new dialog (even in Hindi), completely different from the original captured data. pic.twitter.com/EPAJJrLyjd

— Pranav Mistry (@pranavmistry) January 5, 2020

 

Мистри постуна жасалма адам деп болжолдуу түрдөгү аватарлардын бирөөсүнүн сүрөтүн тиркеген. Эл аралык IT-жетишкендигине арналган Consumer Electronics Show (CES) 2020 көргөзмөсү 7 январда  Лас-Вегас шаарында башталып, 10-январга чейин уланат.

Булак: NazarNews.kg