Жогорку Кеңеш жаңы ноутбуктарды сатып алууга 6 миллион 667 миң 825 сом сарптоону пландап жатат. Бул тууралуу мамлекеттик сатып алуулар порталы маалымдайт.

Анын айтымында, парламенттин иш башкармалыгы тендер жарыялаган. Жалпысынан 143 ноутбук, анын ичинен 135 конференц-зал үчүн 5 миллион 909 миң 625 сомго ноутбук сатып алуу пландалып жатканы белгиленди.

Мындан тышкары, парламент 12 LED-мониторду 71 миң 400 сомго сатып алат.

Сатылып алынган оргтехникалардын тизмесине 54 персоналдык компьютер жана 47 принтер кирди. Жалпысынан аларды сатып алууга 2 миллион 893 миң 940 сом бөлүнгөн.

Белгилей кетсек, 5-6-октябрда болгон башаламандыкта Ак үй кыйла кыйроого учураган. Парламент имаратка келтирилиген чыгымдарды аныктоо үчүн атайын комиссия түздү.

Булак: NazarNews.kg