Өткөн 2018-жылы унааны катуу айдаганды жакшы көргөн айдоочулар тарабынан “Северэлектро” ААКынын Чүй, Талас облустары жана Бишкек шаарындагы 38 аба чубалгы устундары сүзүлгөн факты катталган. Акционердик коомго келтирилген чыгымдын суммасы 600 миң сомдон ашат. Көбүнэсе  Чүй облусунун Ысык-Ата жана Жайыл райондорунун айылдарындагы жолдон “шумахер” айдоочулар устундарды сүзүшөт. «Северэлектро» ААКы айдоочуларды жолдо жүрүүдө жол эрежесин сактоону  жана энергообьектилерге келтирген зыянга жоопкер экендигин эскертет.

Бул жылы да тагырагы 12-мартта Чүй районунун Калиновка айылынын тургундары электр жарыгысыз калды. Себеби«VolkswagenPassat» автоунаасынын айдоочусу «Шамши» көмөкчордонунан чыккан жогорку чыңалуудагы 10кВ  устунду сүзүп алган. Чыгымдын суммасы канча болору такталып жатат. Чүй РЭТинин башкы инженериДаниярМырзабаевдин айтымында кыска убакыттын ичинде авариялык абал жөнгө салынып, жашоочуларга электр жарыгы ошол эле күнү бериле баштаган. Бул иш боюнча материалдар толугу менен Чүй ИИБне өткөрүлүп берилди. Эскерте кетсек өткөн жылдын ноябрь айында да “шумахер” айдоочу 0,4 кВ устунду сүзүп кеткен. Келтирилген чыгымдар сот аркылуу өндүрүлүүдө.

Website: se.kg

www.facebook.com/ОАО «Северэлектро»

Одноклассники: https://ok.ru/oao.severelektro

YouTube: распредкомпанияСеверэлектро

2ГИС: Северэлектро

E-mail: [email protected]

Tel:  +996 33 85 97

Fax: +996 33 87 38

Булак: Nazarnews.kg