Маалым болгондой, коронавирустун жаңы түрү Улуу Британияда сентябрь айында пайда болуп, ноябрдын ортосунда жигердүү жайыла баштаганын кабарлаганбыз. Көрүлгөн чаралардын фонунда лондондуктар шаардан чыгууга аракет кылып, темир жол бекеттерине чогулушту.

Коронавирустун жаңы түрү табылгандан кийин 20дан ашуун өлкө Улуу Британия менен транспорттук байланышын токтотту. Жүргүнчүлөрдү ташууга тыюу салуу айрым өлкөлөрдө жылдын аягына чейин, ал эми бир жерде январдын аягына чейин иштейт. Улуу Британиянын өзүндө карантиндик чектөөлөр максималдуу көтөрүлдү.

Улуу Британиядан кирүүгө чектөө киргизген өлкөлөр:

Нидерланды;

Франция;

Германия;

Италия;

Литва;

Австрия;

Болгария;

Чех Республикасы;

Эстония;

Латвия;

Польша;

Норвегия;

Швейцария;

Хорватия;

Финляндия;

Марокко;

Канада;

Аргентина;

Колумбия;

Ирландия;

Гонконг;

Израиль (ошондой эле Данияга жана Түштүк Африкага учууларды токтотту);

Түркия (ошондой эле Нидерландыга учуу токтотулган);

Сауд Арабиясы (кургактык, аба жана деңиз чек араларынын бардыгы жабык);

Португалия (анын жарандарына гана мүмкүнчүлүк берилет).

Улуу Британиядан тышкары Түштүк Африка, Дания, Италия, Голландия жана Австралияда коронавирустун жаңы түрү аныкталды.

Коронавирустун жаңы түрү жөнүндө эмне белгилүү?

Улуу Британиянын Саламаттыкты сактоо министрлиги 14-декабрда коронавирустун жаңы түрү табылгандыгын жарыялады. Улуу Британиянын башкы санитардык дарыгери Крис Уиттинин айтымында, вирус кадимки SARS-CoV-2 деп аталган типтен тезирээк тараган. Британиянын премьер-министри Борис Джонсондун айтымында, коронавирустун жаңы генетикалык варианты башкага караганда 70 пайызга көбүрөөк жугуштуу болушу мүмкүн.

Коронавирустун жаңы түрүнө байланыштуу Лондондо жана Англиянын түштүк-чыгышында катуу карантин киргизилген. Рождество майрамдары Англия, Шотландия жана Уэльстин тургундары үчүн да жокко чыгарылды. Улуу Британиянын Коронавируска каршы күрөшүү боюнча илимий кеңеши жаңы түр адамдан адамга эски түрүнө караганда оңой жугат деп билдирди.

Канчалык тез жайылып жатат?

Кийин белгилүү болгондой, бул жаңы түр биринчи жолу ушул жылдын сентябрь айында аныкталган. Ноябрь айында Лондондо жуктуруп алгандардын болжол менен 25 пайызы коронавирустун ушул вариантын жуктурушкан. Декабрдын ортосунда бул көрсөткүч 65 пайыздан ашты.

Математиктер коронавирустун башка түрлөрүнүн жайылуу ылдамдыгын эсептөө менен жаңы штаммдын канчалык агрессивдүү экендигин аныктоого аракет кылып жатышат. Бирок вирустун өзүн эле эмес, адамдардын өзүн кандай алып жүргөнүн дагы эске алуу керек.

"Азырынча айтуу эрте ... Бирок жаңы түр биз көргөн коронавируска караганда тезирээк жайылып жатат, андыктан аны байкап турушубуз керек" деди Британиянын премьер-министри Борис Джонсон.

Коронавирустун жаңы түрү канчалык жугуштуу экендигин көрсөткөн так сандар азырынча жок.

Умиджон Нозимжонов, Ташкент

Бул макала NazarNews басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын уруксаты менен гана мүмкүн.

Булак: NazarNews.kg