Түркмөнстанда тамеки сатып алуу жашы 18ден 21ге көтөрүлдү. "Жарандардын ден соолугун тамеки түтүнүнүн таасиринен коргоо жана тамеки буюмдарын колдонуунун кесепеттери жөнүндө" мыйзамга тиешелүү өзгөртүүлөр "Нейтральный Түркменистан" гезитинин 30-ноябрда чыккан санында жарыяланды.

Буга чейин жашы жете электерге тамеки сатууга тыюу салынган. Түркмөнстанда бойго жеткен курак 18 жаштан башталат. Эми мыйзамдагы тиешелүү беренелерде "21 жашка чейинкилер" деп жазылып калды.

Түркмөнстан тамеки чегүүгө каршы катуу күрөшүп, жакынкы жылдарда тамекиден толук эркин өлкө статусуна жетүү максатын коюп жатат. Бул тамеки буюмдарынын тартыштыгына жана кымбаттыгына алып келет. Тамекини даана сатуу практикасы кеңири жайылган. Өтө түтүндүү кагаздан жасалган жана жакшы чыпкасы жок үй тамекилерин чеккен адамдар сейрек эмес.

Бирок turkmen.news булактары учурда эч кандай тартыштык жок экенин белгилешет. Акыркы айларда Түркмөнстанга Өзбекстандан аткезчилик жол менен көп тамеки алып келинип, бир даанасы 5 манаттан сатылууда.

Сатуу үчүн курактык чектөөлөргө келсек, алар өтө кылдаттык менен сакталган эмес. Маалымат булактарынын айтымында, он жаштагы баланы ата-энеси дүкөнгө жөнөттү десе да тамеки сатылышы күмөн. Ал эми "чек арадагы" жаш жигит тамеки сатып алгысы келсе, андан паспорт сурап, туулган жылын текшерип коюшу күмөн. Экинчи жагынан, кээде башка тыюу салуулар дүкөндөрдө өзүм билемдик менен киргизилет: бир адамга сатылуучу таңгактардын саны чектелүү, же бул продукцияны аялдарга сатуудан баш тартышат.

Булак: NazarNews.kg