Бейшембиде күндүз Чүй аймагынын айрым жерлеринде жамгыр, Чүй, Ысык-Көл жана Нарын облустарынын тоолуу райондорунда кар жаайт. Бул тууралуу Кыргызгидромет маалымдады.

Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй менен Баткен өрөөнүндө +15...+20, Талас жергесинде +13...+18, Ош, Жалал-Абад облустарында +17...+22, Ысык-Көлдө +9...+14 жана Нарын жергесинде +12...+17 градус жылуу болот.

Күндүн табы борбор калаа Бишкекте +17...+19, Ошто +20...+22 градуска көтөрүлөт.