Олимпиада оюндарында коло медаль жеңген Айсулуу Тыныбекова жеңиши боюнча УТРКга комментарий берди.

«Ушул коло мага аябай татаал, оор жол менен келди десем болот. Коло медаль менен келгениме сыймыктанып жатам. Мага ишенип, колдоп жаткан кыргыз элиме ыраазычылык. Алардын аркасы менен бүгүнкү күнгө чейин күрөшүп келдик. Ата-энемди аябай сагындым»,- деди ал.

Париждеги Олимпиада 26-июлдан 11-августка чейин өттү.

Париж Олимпиадасынын катышуучуларын унаалардын коштоосунда борбор калаадагы Т.Усубалиев атындагы аянтка алып жөнөштү. Анда Кыргызстанга кайтып келген спортчуларды тосуп алуу салтанаттуу иш-чарасы орун алмакчы.