Пентагон Германиянын Штутгарт шаарындагы АКШнын Куралдуу күчтөрүнүн Европалык командачылыгынын базасында Украинага аскердик жардамдын жеткирилишин көзөмөлдөө борборун уюштурду. Анын милдеттерине 40тан ашык өлкөдөн жеткирүүлөрдү координациялоо жана тездетүү кирет, деп билдирет CNN.

«Бул коопсуздук тутумунун аракеттерин колдоо үчүн түзүлдү», - деди АКШнын Коргоо министрлигинин жогорку даражалуу кызматкери.

Анын фамилиясы көрсөтүлгөн эмес. Борбордун кызматкерлери 15тен ашык штаттын өкүлдөрү, ал эми жетекчиси «эки жылдыздуу америкалык аскер генералы».

АКШ мамлекеттик катчы Энтони Блинкен менен Пентагондун башчысы Ллойд Остиндин Киевге жасаган сапарынан кийин Украинага аскерий колдоону күчөтүүнү убада кылды.

Орусиянын тышкы иштер министри Сергей Лавров НАТО Киевди куралдандырып, Орусия менен прокси согушка кирип жатат деп эсептейт.

Булак: NazarNews.kg