АКШнын төрт штатында болгон өлүмгө алып келген торнадодон кеминде 23 адам каза болгонун Global News билдирди.

Үч күндүк дем алыш күндөрү Америка Кошмо Штаттарынын борбордук жана түштүк бөлүгүндө америкалыктар Эскерүү күнүн белгилеп жаткан бир катар күчтүү торнадо болду. Техас, Оклахома, Арканзас жана Кентукки штаттарында 23 адам каза болуп, жүздөгөн үйлөр жана ишканалар талкаланып, электр зымдары үзүлгөн.

Бороон-чапкын өлкөнүн чыгыш жээгине жылышы күтүлүп жаткандыктан түндүк-чыгыштагы 30 миллиондон ашык киши эвакуацияланышы мүмкүн экендиги эскертилди.

Президент Жо Байден каза болгондордун жакындарына көңүл айтты. Анын айтымында, өзгөчө кырдаалдар боюнча федералдык агенттик келтирилген зыянды баалоодо.

Америка Кошмо Штаттарынын борбордук бөлүгү эки айдан бери өлүмгө алып келген торнадолорду баштан кечирүүдө. Айова штатында өткөн аптада бороон-чапкындан кеминде беш киши набыт болуп, ондогон адамдар жарадар болгон. Ушул айдын башында Хьюстондо бороон сегиз адамдын өмүрүн алган.

Нормандагы Улуттук бороон-чапкын лабораториясынын адистери акыркы эки айдагы бороон-чапкындардын пайда болушуна жылуу жана нымдуу абанын тез-тез алмашып турушу себеп болгонун түшүндүрүштү.

АКШнын көптөгөн штаттарында жылдын ушул мезгили үчүн рекорддук жогорку температура болжолдонууда.

Булак: NazarNews.kg