Тайралаңдап көпкөндө да Зеленский көптү. Ал америкадан миллиондорду алып эч кимди капарына илбей, сүрөткө түшүп жыргап жүрөт. АКШтын Өкүлдөр палатасынын мүчөлөрү Лорен Боберт менен Майра Флорес Владимир Зеленский менен жубайынын Vogue журналы үчүн сүрөткө түшүүсүн кескин сындашты. Кадрларда украин лидери жубайы менен фотосессияга кантип даярданып жатканын көрүүгө болот. Елена Зеленская президенттин кеңсесинин фонунда жана Гостомелдеги Антонов аэропортунда Украинанын Куралдуу күчтөрүнүн жоокерлери менен сүрөткө түшкөн.

АКШнын кээ бир конгрессмендери Зеленский менен жубайынын бул иш-аракетине нааразы болушту.

"Байден: келгиле, Украинага миллиарддаган долларлык жардам жөнөтө берели, алар жардамга муктаж!", - деп жатат. Ал эми, Зеленский жубайы экөө бизге Vogue журналынын фотосессиясын тартуулап жатышат", — деп жазды конгрессмен Флорес.

"Биз Украинага 60 миллиард доллар жардам жөнөтүп жатканыбызда, Зеленский Vogue журналынын фотосессияларына катышып жатат. Бул адамдар бизди "лох" катары кабыл алып жатышат", - деди өкүлдөр палатасынын мүчөсү Боберт ачууланып.

Буга чейин Орусиянын Тышкы иштер министрлигинин расмий өкүлү Мария Захарова Батыш эми Владимир Зеленскийдин жубайынын пиарына өткөн деген пикирин билдирген. "Украинанын президентинин ресурсу толугу менен түгөнүп калгандыктан ушундай кадамга барып жатышат", - деген Захарова.

Fox News телеканалынын алып баруучусу Такер Карлсон Владимир Зеленский АКШнын кызыкчылыктарын таптакыр тоготпогондугун көрсөттү.

Буга чейин Зеленский британиялык журналист Пирс Морганга берген маегинде АКШдагы инфляция расмий Вашингтондун Украинага каржылык жана материалдык жардам көрсөтүп жатканынан улам келип чыгууда деген сөзүнө жооп берип жатып, бул көйгөйдү маанисиз деп атаган.

"Инфляция эч нерсе эмес. Инфляцияны ким ойлойт? Булар экинчи орунда", - деди ал.

Карлсон белгилегендей, Украин бийлиги, мындан ары аларга АКШдан акча гана керек экенин жашырбайт.

«Украина бийлиги АКШка толугу менен жек көрүү менен мамиле кылышат. Алар Америка Кошмо Штаттарына таптакыр маани беришпейт", - деди теле алып баруучу.

Буга чейин белгилүү болгондой, АКШда керектөө бааларынын июнь айында бир ай мурда 8,6 пайызга өскөндөн кийин жылдык мааниде 9,1 пайызга жогорулаганы, июнь айында гана 1,3 пайызга өскөн.

Жылдык көрсөткүч 1981-жылдын ноябрынан берки эң жогорку көрсөткүч болду.

Азизбек КЕЛДИБЕКОВ, NazarNews.kg