www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Акын жана журналист Гүлжамила Шакирова 68 жаш курагында дүйнөдөн мезгилсиз кайтты. Маркумдун кесиптештери акындын каза болгону тууралуу суук кабарды 25-июнь күнү эртең менен угушканын билдиришти.
Гүлжамила Шакирова 1955-жылы 28-декабрда Нарындын Ак-Талаа районундагы Жаңы-Тилек айылында туулган. Кыргыз мамлекеттик университетинин филология факультетин аяктаган. Токтогул атындагы адабият музейинде улук илимий кызматкер, республикалык Кыргыз тили коомунун "Эне тил" гезитинде кабарчы, 1993-жылдан тартып Кыргыз мамлекеттик телерадио корпорациясында иштеп, "Казына" чыгармачылык бирикмесинде "Нуска" аттуу автордук программасын, "Дил жаңырыгы" программаларын радио эфирге даярдап, алып чыккан.
1987-жылы "Сапардагы каркыра" деген алгачкы ыр китепчеси жарык көргөн.
1991-жылы Кыргызстан Жазуучулар союзунун жана Кол өнөрчүлөр союзунун мүчөсү болгон.
Чыгармалары үчүн ал бир катар сыйлыктарды алган. Анын 30дан ашык ырларына обон чыгарылып, кыргыз теле-радиосунун алтын фондусуна алынган.
Маркум менен коштошуу зыйнаты качан жана кайсы жерде болору, сөөгү кай жакка коюлары азырынча маалымдала элек.
Булак: NazarNews.kg
< Предыдущий
Следующий >
Последние новости
