Бүгүн, 13-августта Париж Олимпиадасына катышкан Кыргызстандын спортчулары өлкөгө кайтып келишти.

Спортчуларды сыйлоо аземи Эски аянтта өтүүдө.

Балбан Акжол Махмудов сөз сүйлөп, Олимпиаданын алтын медалын албаганы үчүн өзүн күнөөлүү сезип жатканын мойнуна алды. Ал кийинки Олимпиада оюндарына бүгүнтөн тарта даярдык көрүүгө убада берди.

"Кийинки Олимпиадага ынтызарлык менен даярданам. Үмүттү актабай, алтын медаль албай калганым үчүн өзүмдү күнөөлүү сезип жатам. Кийинки Олимпиадада алтын алуу үчүн болгон күчүмдү жумшайм, бүгүнтөн баштап даярданып баштайм. Кудай буюрса 2028-жылы алтын медаль алып келем», - деди ал.