Алымкадыр Бейшеналиев министр катары иштей албай, элди эки анжы ойго салууда
Саясат  |   |  583

Коронавирустун алдын алуу боюнча эмдөөдөн өтүүдөн көпчүлүк катмар коркуп жатышканы жашыруун эмес. «Кытайдын дарысын сайынбайбыз» деген пикир да күчүндө. Мындай шартта саламаттыкты сактоо министри Алымкадыр Бейшеналиев элге туура багыт бере албаганы, тушүндүрүүгө дарамети жетпегени, о.э. өзү эмдөөдөн өтүүдө ачык-айкындуулукка басым жасабай, бир уколду сайдырып жатканын видеого шашылыш тарттырып койгону да шек жараткан. Анысы витаминби, же эмне дары экенин билдиңерби?

Айтор, коомчулук эки анжы ойдо калганы ырас. Мындай шартта апаат улам күчөп, вируска кабылгандар күндөн-күнгө көбөйүп баратат. Ооруп калгандар, өз алдынча дарылангандар канча? Алымкадыр Бейшеналиевдин мындай жүрүшү менен былтыркы катаал күндөр кайталанып, экинчи ирет элибизди кырып албайбызбы?

Айтор, бул чала сабат министрдин иштей албай жатканы ачык байкалууда. Тез арада ордуна ишбилги, профессионал кадр келбесе, бул көрүнүштө кыйналып каларыбыз айдан ачык.

Булак: Азия News гезити

Поделитесь с друзьями