Орусиянын лидери Владимир Путин НАТОдо түрк кесиптеши Режеп Тайип Эрдоган менен гана эмес, кеминде дагы бир өлкөнүн лидери менен достук мамиледе. Бул тууралуу АКШнын уюмдагы мурдагы өкүлү Иво Даалдер Politico гезитине жазган макаласында айтты.

"Эрдоган НАТОго мүчө өлкөлөрдүн ичинен Путин менен достук мамиле курган жалгыз лидер деп айтууга болбойт. Бир нече жыл мурун кызматтан кеткен Италиянын мурдагы премьер-министри Сильвио Берлускони менен Венгриянын азыркы премьер-министри Виктор Орбан дагы бул тизмеге кошулат", — деди Даалдер.

Ошол эле учурда автор Эрдоганды орусиялык С-400 абадан коргонуу системаларын сатып алганы үчүн сынга алган.

"Түрк лидери НАТОнун абадан коргонуу тармагына интеграцияланышы мүмкүн болгон батыштык жабдуулардын ордуна Орусиядан абадан коргонуу ракеталарын сатып алган НАТОдогу жалгыз лидери", — деди ал.

Мындан тышкары, америкалык дипломат Эрдоган Путин менен биргеликте Ирандын президенти Ибрагим Раисиге Тегеранда жолугушканына нааразы болду. Акырында Даалдер түрк лидерин Орусиянын Украинадагы атайын операциясынан улам санкцияларды киргизүүдөн баш тартканы үчүн айыптады.

Эске салсак, өткөн жуманын аягында Владимир Путин менен Режеп Тайип Эрдоган Сочиде сүйлөшүү өткөргөн. Алар эки тараптуу кызматташтыкты чыңдоого ынтызарлыгын тастыктап, Түркияга Орусияга газы жарым-жартылай гана рубль менен сатыларына макулдашты.

Аталган эки лидердин бир айдын ичиндеги экинчи кездешүүсү. 20-июлда алар Тегеранда бир нече темада сүйлөшүүлөрдү өткөрүшкөн.

Түркия НАТОнун мүчөсү экенине карабай Орусияга каршы санкцияларды колдогон эмес, ошол эле маалда Украинага курал жеткирип жатат. Анкара Москва менен Киевдин ортосунда арачы катары түшүп, украин дан азыктарын деңиз аркылуу чыгарып кетүү боюнча сүйлөшүүлөрдү уюштуруп берди.

Булак: NazarNews.kg