Австралиялык миллиардер жана парламенттин мурдагы депутаты Клайв Палмер Титаниктин эң сонун көчүрмөсүн калыбына келтирүүнү каалайт. Бул тууралуу "Forbes" басылмасы жазып чыкты.

Клайв Палмер бул аптада Сиднейде маалымат жыйынын өткөрүп, «Титаник II» аттуу кеме куруу ниетинин али өлбөгөнүн, кеменин курулушунун келерки жылдын башында башталаары белгиленген. Титаник II долбоорун мурда эки жолу баштап, токтоткон Палмер бул жолу пландын мурдагыдан да реалдуу болгонун кошумчалады.

Кемени жана анын тогуз палубасын 3D форматында кеңири көрсөтүүдөн тышкары, 835 кабина (383 биринчи класс, 201 экинчи жана 251 үчүнчү класс бөлмөлөрү) пландаштырылууда.

Титаник II бүтүргөндөн кийин 2027-жылдын июнь айында алгачкы сапарын жасайт. Чыныгы Титаник сыяктуу Англиянын Саутгемптон шаарынан АКШнын Нью-Йорк шаарына сүзүү пландалууда. Саякат билеттеринин баасы азырынча айтыла элек.

Басылманын маалыматы боюнча, салмагы 56 миң тонна болгон «Титаник IIнин» курулушуна 500 миллиондон 1 миллиард долларга чейин каражат сарпталат.

"Ошондуктан мен Титаникти кайра курганы жатам. Үйдө отуруп акчамды санагандан көрө Титаникти куруу кызыктуураак" дейт миллиардер.

Эске сала кетсек, буга чейин атактуу "Титаник" тасмасы тартылып жатканда Роуз менен Жектин коштошуу сценасында таяныч болгон эшик аукционго коюлуп, анын баштапкы баасы 40 миң доллар деп белгиленген.