Ички иштер министринин орун басары Октябрь Урмамбетов Бишкек ШИИББдин башчысынын милдетин аткаруучу болуп дайындалган милициянын полковниги Ногойбаев Азамат Болотбековичти Бишкек ШИИББдин өздүк курамына тааныштырды.

10-апрелде Ички иштер министрлигинин басма сөз кызматынан кабарлашкандай, иш-чаранын жүрүшүндө министрдин орун басары Бишкек ШИИББдин, Биринчи май, Свердлов, Октябрь жана Ленин РИИБдин жетекчилигине коомдук коопсуздукту камсыздоо жана кылмыштуулук менен күрөшүү боюнча иштерди жогорку деңгээлде аткарууну талап кылды.

Октябрь Урмамбетов жаңы дайындалган жетекчилерге ийгиликтерди каалап, кызматтык милдеттерине жоопкерчиликтүү мамиле кылууну тапшырды.

Ногойбаев Азамат Болотбекович – милициянын полковниги. 1980-жылы 12-июль күнү туулган. Кыргызстандын ИИМ Академиясын «юриспруденция» адистиги боюнча аяктаган. Ички иштер органдарында 1997-жылдан баштап кызмат өтөөдө.

Ички иштер органдарындагы кызматын Бишкек шаарынын Биринчи май РИИБде кылмыш иликтөөнүн ыкчам ыйгарым укуктуу өкүлү болуп баштаган. Кызмат учурунда ыкчам ыйгарым укуктуу өкүлү, улук ыкчам ыйгарым укуктуу өкүлү, өзгөчө маанилүү иштер боюнча улук ыкчам ыйгарым укуктуу өкүлү болуп иштеген.

Мындан сырткары жетекчилик курамдагы кызматтарда иштеген: Бишкек шаарынын Ленин РИИБдин Кылмыш иликтөөнүн бөлүмүнүн начальнигинин орун басары, Чүй облусунун Жайыл РИИБдин начальнигинин орун басары, Кыргыз Республикасынын ИИМдин Уюшкан кылмыштуулук жана коррупция менен күрөшүү башкы башкармалыгынын бөлүм начальниги, ИИМдин Уюшкан кылмыштуулук менен күрөшүү башкы башкармалыгынын начальнигинин орун басары, ИИМдин Экстремизмге жана мыйзамсыз миграцияга каршы аракеттенүү боюнча кызматынын начальнигинин орун басары, Чүй облусунун Сокулук РИИБдин начальниги, ИИМдин КМКнын Үчүнчү башкармалыгынын бөлүм начальниги.

Кыргыз Республикасынын ИИОнун кызмат учурунда түзүмдүк медалдар менен сыйланган.

Булак: NazarNews.kg