Чеченстандын башчысы Рамзан Кадыров орус аскерлери, орус президенти буйруса Киевди басып алышы мүмкүн экенин баса белгиледи. Орусияда Киевге жете турган жандуу күч бар. Жогорку Башкы командачы Владимир Путинден буйрук болсо, ага бардык бөлүмдөр даяр. Кийинки кырдаал президенттин чечимине жараша болот. Чечен лидери Рамзан Кадыров Украинанын президенти Владимир Зеленскийге өзүн Адольф Гитлерге окшоп атууга тапанча жөнөтөрүн билдирди. Анын айтымында, бул курал Украинанын президенти үчүн атайын сакталып, ага жүктөлгөн. Чеченстандын башчысы ал куралды Зеленскийге "тиешелүү кадамдарды жасай алышы үчүн" жөнөтөрүн айтты. Ал Украина менен "жекеме-жеке" сүйлөшүүгө даяр экенин жана "психолог" болгондуктан Зеленскийди өзүнө керектүү нерсеге мажбурлай аларын баса белгиледи.

Чет мамлекеттер орустардын кылган иштерин айыптап, укса да укмаксан, көрсө да көрмөксөн. Байден, Риши Сунак, Макрон, Шольц туш тараптан кайберенди талап жаткан «шакалдардай» талай баштады. Булар жибере турган танктарды жөнөтө алышпай чайналып турушат. Орусия Борбор Азиядан келген мигранттарды согушка тартуу маселесин карап жатат. Орусия жарандыгын 10 жылга жетпеген убакыт мурун алган кыргызстандыктар орус армиясында кызмат өтөөгө милдеттүү болору күтүлүүдө.

 Орусиянын президентинин алдындагы Адам укуктары боюнча кеңештин мүчөсү Кирилл Кабанов Орусия Федерациясынын жарандыгын алганына 10 жылга жетпеген жаңы жарандар үчүн сунуш даярдап жатканын билдирди. Орусиянын президенти Владимир Путин жарыялаган жарым-жартылай мобилизациянын алкагында Борбор Азиядан келген иммигранттар бир жыл бою милдеттүү түрдө аскердик кызмат өтөөгө чакырылды.

Өзгөртүүлөр Казакстандын, Кыргызстандын, Тажикстандын жана Өзбекстандын мурдагы жарандарына тиешелүү болушу мүмкүн. Эгерде алар баш тартышса, алар жана алардын үй-бүлөлөрү Орусия Федерациясынын паспортторунан ажыратылышы мүмкүн: "Бул демилгени ишке ашыруу жогоруда аталган өлкөлөрдүн бийликтери тарабынан өз жарандарынын ыктыярдуу негизде атайын аскердик операцияга катышуусуна расмий тыюу салууга адекваттуу жооп болот, бул үчүн алар өз мекенинде кылмыш жазасына тартылышат", - деп Кабанов билдирди.

Бул оңбогон чечим Борбор Азиядан келген иммигранттарга багытталган. Орусия Федерациясынын Президенти тарабынан жарыяланган мобилизациянын алкагында Орусия Федерациясынын жаңы жарандары - 10 жылдан аз Орусиянын жарандыгын алган Орусия Федерациясынын жарандары үчүн бир жылдык милдеттүү аскердик кызмат өтөө боюнча сунуштар даярдалууда.

Кабановдун айтымында, ал Казакстан, Кыргызстан, Тажикстан жана Өзбекстандан көчүп келген жарандарга тиешелүү. Анын айтымында, аскер кызматынан баш тарткандар үй-бүлө мүчөлөрү менен бирге жарандыктан ажыратылат: «Аскердик милдетти аткаруудан баш тартуу аскердик кызматка мажбурланган адамды гана эмес, анын үй-бүлө мүчөлөрүн да Орусиянын жарандыгынан ажыратууга алып келиши керек», - дейт Кабанов.

Кабанов кошумчалагандай, бул демилгени ишке ашыруу жогоруда аталган мамлекеттердин өкмөттөрүнүн өз жарандарына «атайын аскердик операцияга» өз ыктыяры менен катышууга расмий тыюу салуусуна адекваттуу жооп болот.

НАТО Орусияны өзөктүк шантаж менен коркутат. Демек, расмий Москва өзөктүк курал колдонсо да элин коргойт. Бул тууралуу Орусиянын президенти Владимир Путин элге кайрылуусунда билдирди.

«Батыш бардык чек араларды кесип өттү, биз тынымсыз коркутууларды угуп жатабыз. Курск жана Белгород облустарында теракттар азыртадан эле жасалып жатат», - деди Путин. Орусиянын президенти НАТО өлкөнүн түштүк чек араларында чалгындоо иштерин жүргүзүп жатканын билдирди. «НАТО Орусиянын түштүгүндө чалгындоо иштерин жүргүзүп жатат. Алар Орусияны согуш талаасында жеңүү керек деп ачык айтышат. Ядролук шантаж да күчүнө кирди. Мындай билдирүүлөрдү жасагандарга эскертип кетейин, биздин өлкөдө да андай ядролук куралдар бар. Элибизди коргоо үчүн бардык каражаттарды колдонобуз. Бул блеф эмес. Биздин көз карандысыздыгыбыз жана эркиндигибиз бардык чаралар менен камсыз кылынат», - деди Путин.

Азизбек КЕЛДИБЕКОВ, NazarNews.kg