«Нөлөбөй» класстын балдары тамганы жаңы таанып, эжелеп окушат. Аларга кечиримдүү, анткени тамганы жаңы таанып атышат. Бирок отуз жылдан бери Тажикстанга президент болуп турган Рахмондун алдына даярдап койгон жазууну эжелеп окуганы туура эмес. Азыр жыйырма үч жыл бийликте турган Путинден да узак отуз жылдай бийликте турган Лукашенко менен Рахмон. Путин да төрт жыл өкмөт башында турду. Азыркы өкмөт башчысы Мишустин Тажикстанга иш сапары менен барып Рахмондун эжелеп окуганын укту.

Майрам алдында Жапаров оозун жалаяктай кылып, «братишкасы» Мишустинге жагынып майрамы менен куттуктап жүрөт. Балким Мишустинге көрүнүп алайын дегениби? Жапаров Мишустин тууралуу сөз кылып, эки-үч мектептин акчасын карызка сурай турганы тууралуу билдирген. Жапаров Мишустин бергендерди кокосуна тыгып, өлкө кымбатчылыкка баратат. Жапаров өз сөзүндө келечекте турак-жай маселесин чечүүнүн актуалдуулугун белгиледи. «2040-жылы биздин Кыргызстан кандай өлкө болот? Биз балдарыбыздын келечегин ойлосок, бүгүнкү ишти эртеңкиге калтырбашыбыз керек. Дүйнөлүк тартип өтө тездик менен өзгөрүп жатат. Азыр таасир этүү чөйрөсү, эл аралык нормалар түп-тамырынан кайра каралуу коркунучуу жаралууда. Глобалдуу дүйнөдө бардык жүрүп жаткан кырдаалдарга адекваттуу жооп кайтарып, чараларды көрүп турушубуз керек», - деди А.Жапаров.

Муну менен катар Министрлер кабинетинин төрагасы чек ара маселелерин чечүү зарылчылыгына токтолуп: «Жоопкерчиликти өзүбүзгө алып, чек ара маселелерине чекит коюшубуз керек», - деп кошумчалады. Ошондой эле А.Жапаров Тажикстандын куралдуу агрессиясынын кесепеттери тууралуу маалымат берген: «136 миңден ашык жараныбыз жер которууга мажбур болду. 63 жараныбыз ок атышуудан, 12 адам жол кырсыгынан каза болду, 206 адам жаракат алды. Материалдык жактан 661 турак үй жабыркаган, анын ичинен 423 үй талкаланып, 11 административдик стратегиялык объект, 27 социалдык объект, 335 сарай, 197 жашоого тиричилик камсыздоочу объект, 61 унаа, 1 көпүрө жарабай калды. Жарандык коргонуу комиссиясынын берген аныктамасы боюнча 3 млрд 130 млн сомдук материалдык зыян келтирилген», - деди Акылбек Жапаров.

Жыйын суроо-жооп иретинде болду. Жакында Минкаб Жапаров менен жолугушуу учурунда Орусиянын премьери Михаил Мишустин бул жолугушуулар Батышка жакпасын, бирок евразиялык интеграцияны көтөрүү керектигин, азыркы абалга президент Путин баа берип жатканын баса белгиледи. Жапаров жакшы көрүнгүсү келип Мишустинге жагынганы менен Орусиянын оюу Кыргызстан да аларды колдошу керектиги билинип турат. Орусиянын экономикасы биздин экономикабызга чоң таасир этери чындык. Мишустинге жагынган Жапаров Кыргызстанды качан алга жылдырат?  

 Жапаров Ереванга барып «эрогендүү» кептерин жаадырып келген. Жапаров жарпы жазыла: «Биз «кедей» мамлекет синдромун жок кылабыз» -деп адатынча мактанып алды. Кантип жок кылат жолун айткан жок. Же эмне Жапаров үйүндө экзотикалык тамак ичсе эле Кыргызстан «кедей» мамлекет синдромунан чыгып калат бекен? Бул сөзү Орусия премьери Мишустинге жакпай калса керек. Булар сүрөткө түшөр алдында Мишустин маскаларды эл көзүнчө тагынып алууну сунуштады. Анын сөзүнө какылдаган Жапаров «Маска тагынууга милдеттүү эместигибиз айтылган» -деп мойнун кайырды эле, Мишустин «Көп сөз бок сөз, тагыныңыз» -деп ачуулуу көзү менен Жапаровду караганы, Жапаровдун «кедей» эмес өлкөнүн өкмөт башчысына карагандай  көз караш болгон жок. Өкмөт башчысынын да өзүнүн этикасы болот, же «кедей» синдромунда турган Кыргызстан Жапаровдун айынан Орусия менен кер-мур айтышып, каякты карап жалдырап калабыз?

Ыргыштап бараткан Жапаровдун кулагы жапырылып, эмнегедир бир нерсенин жытын искегенсип, кайсалаңдап турат. Учурда Акылбек Жапаров кемеге «катастрофа» болорун алдын-ала сезген келемишке окшоп чайналып тургандай. Трайбалист Жапаров 30 пайыз кыскартууларды жүргүзүүнү демилгелеп, буларга Бишкекте суутуп коюптурбу деп түштүктүн элине билгизбей кысым жасай баштаган.

Азизбек КЕЛДИБЕКОВ, NazarNews.kg