www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Мындан кийин айылдарда жүн таштандыга ыргытылбай баалуу продукцияга айланат. Бул тууралуу атайын көргөзмө-семинарда айтылганын Суу ресурстары, айыл чарба жана кайра иштетүү өнөр жайы министрлиги билдирди.
Маалыматка ылайык, аталган семинарда жүндү кайра иштетип, жууркан тиккен цех көрсөтүлгөн. Жабдуусунун орточо баасы 5 455 долларга барабар экени айтылды.
"Бул баа айылда фермерлерге ыңгайлуу, кирешелүү чакан өндүрүш болуп эсептелет. Бүгүнкү күндө ак жүндүн килограммы 60-100 сом, кара жүн 10-15 сомго бааланууда. Иштетилген жүндөн улуттук кийим-кече, жууркан-төшөк, кийизден жасалган түрдүү буюм-тайымдар чыгарылат", — деп айтылган маалыматта.
Көргөзмөдө жүндү кайра иштетүү аркылуу айыл жергесинде ыргытылып жаткан жүндүн баалуулугун арттырууга өзгөчө маани берилери кошумчаланды.
Аталган иш-чараны Суу ресурстары, айыл чарба жана кайра иштетүү өнөр жайы министрлигине караштуу Кайра иштетүү өнөр жайы жана органикалык айыл чарба департаменти уюштуруп, ага 7 облустун жана 40 райондун жетекчилери, өнүктүрүү фонддорунун өкүлдөрү жана дыйкан-фермерлер катышкан.
Булак:NazarNews.kg
< Предыдущий
Следующий >
Последние новости
