Бакиевдер Алмазбек Атамбаевге “уу” берген эмес

Журналист: NAZARNEWS

21.11.2018, 1:45

20580

саясат

Кыргызстандын мурунку башпрокурору азыркы президентибиз кантип мурунку президентти сактап калгандыгын айтып берди

Сооронбай Жээнбеков убагында Алмазбек Атамбаев ууланып калганда, сактап калган. Бул тууралуу Vesti.kg сайтына Кыргыз Республикасынын мурдагы башпрокурору Азимбек Бекназаров айтып берген.

Бекназаров өз сөзүндө: -Түштүктө Атамбаевди бир гана мени менен Сооронбай Жээнбеков эле колдогон. Алтургай анын партиялаштары да Бакиевдерден коркуп келе алышкан эмес. Ошол учурда Атамбаев ууланып калды, Жээнбеков аны Кара-Кулжанын жайлоосуна алып барып, кымыз менен дарылаган. Сакайган соң Бишкекке жөнөткөн”, - деп айткан.

Белгилей кетсек 2009-жылы мурдагы Алмазбек Атамбаев менен Азимбек Бекназаровдор Жалал-Абад облусунда эл менен жолугушууга барган. Азимбек Бекназаров ошол учурда “Алмазбек Атамбаевди ууланып калды”, деп жарыя кылган. Бирок Бекназаров тар чөйрөдө “ошондо Алмазбек Атамбаевге эч ким “уу” берген эмес, болгону мас болуп калган болчу”, деп айтып жүргөнүн, айрым саясатчылар сайрап жүрүшөт.

Булак: NazarNews.kg