Кыргызстандын грек-рим күрөшү боюнча өспүрүмдөр курама командасынын мүчөсү Кутман Калбаев дүйнө чемпионатынын финалына чыкты.

Дене тарбия жана спорт департаментинен билдиришкендей, спортчу мелдешке 51 кг чейинки салмак категориясында катышууда. 1/8 финалдык беттеште Армениянын балбанын Саркис Арутюнянды 13:3 эсебинде, 1/4 финалдык беттеште грузиялык Юрий Чапидзени 7:2 эсебинде жеңди.

Жарым финалдык беттеште ирандык Аболфази Карамегаиди 8:7 эсебинде утуп финалга чыкты.

Эми ал чечүүчү беттеште азербайжандык Туран Дашдамиров менен күч сынашат.

Белгилей кетсек, дүйнө чемпионаты Иорданиянын Амман шаарында өтүп жатат. Ага 17 жашка чейинки спортчулар катышууда.

Булак: NazarNews.kg