Баткен районунун Чет-Кызыл айылында сарайдын чатыры толугу менен өрттөнүп кетти. Бул тууралуу Өзгөчө кырдаалдар министрлигинин маалымат кызматы кабарлады.

Маалыматка ылайык, өрттү өчүрүүгө 2 бөлүм тартылып, саат 20:35те толук өчүрүүгө жетишкен.

«Тилсиз жоонун кесепетинен сарайдын чатыры толугу менен күйүп кеткен. Өрттүн жалпы аянты 80 чарчы метрди түзүп, 16 даана шифер, 14 даана темир лист, 500 таңгакталган чөп чыгымга учураган»,-деп айтылат маалыматта.

Алдын ала маалым болгондой, өрттүн кесепетинен жабыр тарткандар жок.

Булак: NazarNews.kg