www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg
АКШнын президенти Дональд Трамп бүгүн, 18-мартта Орусиянын президенти Владимир Путин менен сүйлөшөрүн билдирди, деп маалымдайт Foxnews.
Трамп бул тууралуу жекшемби күнү кечинде Флоридадан Вашингтонго кайтып келе жаткан Air Force One бортунда журналисттерге сүйлөп жатып билдирген.
Орусиянын Украинадагы согушун токтотуу аракетинде жерди, электр станцияларын жана башка мүлктөрдү бөлүштүрүү боюнча талкуулар болгонун айтып, Трамп: «Мүмкүн шейшембиге чейин жарыялай турган бир нерсебиз бар-жокпу көрөбүз», — деди.
Буга чейин Орусиянын тышкы иштер министринин орун басары Александр Грушко Украина боюнча келишимде Орусия АКШ менен НАТОдон коопсуздук кепилдигин талап кыларын билдирген. Дипломаттын айтымында, бул шарттардын бири Украинанын бейтарап статусу жана Түндүк Атлантикалык альянс өлкөлөрүнүн аны уюмга мүчө катары кабыл алуудан баш тартуусу болушу керек.
АКШ президенти Дональд Трамптын улуттук коопсуздук боюнча кеңешчиси Майк Вальц Киев келечектеги коопсуздук кепилдиги үчүн аймактардан баш тартууга аргасыз болушу мүмкүн деп билдирди. Анын айтымында, Орусия Федерациясын оккупацияланган украин аймактарынан сүрүп чыгаруу АКШнын улуттук кызыкчылыктарына жооп бербейт жана үчүнчү дүйнөлүк согушка айланып кетиши мүмкүн. Ошол эле учурда АКШ Украинада Трамп сунуштаган ок атышпоо келишимине макул болбосо, Орусияга каршы чара көрүшү мүмкүн.
< Предыдущий
Следующий >
Последние новости
