24-сентябрда борбор калаанын тургуну таанышына чара көрүү өтүнүчү менен милицияга кайрылган. Арыз ээсинин айтымында, 2021-жылдын 21-майында ал биргелешкен бизнес үчүн 30 миң доллар берген, бирок ал убадаланган акчаны алган эмес.

Свердлов райондук ички иштер башкармалыгынын басма сөз кызматы 25-сентябрда билдиргендей, бул факт КР Кылмыш-жаза кодексинин 209-беренеси (Алдамчылык) менен Бирдиктүү реестрине катталды.

Свердлов РИИБинин ыкчам кызматкерлери тарабынан кылмышка шектүү 1993-жылы туулган Э.у.Н. кармалып, убактылуу кармоочу жайга киргизилген.

Милиция кармалган адамдын башка кылмыштарга тиешеси бар экенин жокко чыгарбайт. Буга байланыштуу укук коргоо органдары шектүүнүн аракетинен жапа чеккен же кандайдыр бир маалыматы бар бардык жарандарды төмөнкү телефондорго байланышууну өтүнөт: 0 (706) 41-15-15, 0 (502) 28-28-68, 0 (550 ) 10-26-59 же 102.

Булак: NazarNews.kg