Муниципалитеттин жыйындар залында мэр Айбек Жунушалиевдин төрагалыгы алдында Бишкек шаарынын мэриясы тарабынан объектилерди куруу жана реконструкциялоо боюнча жыйын өттү. Бул тууралуу мэриядан кабарлашты.

Жыйындын жүрүшүндө борбордук Ала-Тоо аянтын реконструкциялоонун жүрүшү талкууланды. Борбор калаанын башчысы жумушту аяктоо мөөнөтүн - 2024-жылдын 31-августуна чейин эскертти.

Дөлөн Өмүрзаков атындагы стадиондун кичи манежинин аймагындагы иштер боюнча, «Чыгыш-5» кичи районундагы 18/1 имаратында бала бакча уюштуруу пландалып жаткан имаратты реконструкциялоо боюнча маалымат уктук.

Мындан тышкары, капиталдык курулуш башкармалыгынын башчысы жана Свердлов районунун акими «Эмгек резерви» республикалык дене тарбия жана спорт борборунун аймагында аткарылган иштерге токтолду.

Айбек Жунушалиев курулуп жаткан объектилерге жана подряддык уюмдардын милдеттенмелеринин аткарылышына көзөмөлдү күчөтүүнү тапшырып, бардык объектилерде курулуш иштерин тездетүү милдети коюлду.

Булак: NazarNews.kg