www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Бишкек шаардык соту "Азаттык медиа" мекемесине ("Азаттык" радиосу) коюлган 10 миллион сом жана "ПроМедиа" коомдук фондуна тагылган (Zanoza.kg сайты) үч миллион сом доо арыз боюнча райондук соттун аныктамасын күчүндө калтырды. Аныктамага ылайык, эки басылманын банктагы доогер талап кылган каражаты камакка алынышы керек.
Ишти 6-апрелде шаардык соттун судьялары Эрмек Бейсекеев, Ирина Скрипкина жана Аида Манжиева карады. Ленин райондук сотунун судьясы Жылдыз Жумабаева мындай аныктаманы 14-мартта чыгарган.
Кыргызстандын баш прокурору И.Жолдубаева президенттин ар-намысын жана кадыр-баркын коргоо тууралуу арыз менен кайрылып, "Азаттык медиа" мекемесине 10 миллион сом жана "ПроМедиа" коомдук фондуна үч миллион сом доо койгон. Доо арызда мамлекет башчынын кадыр-баркына шек келтирген такталбаган маалымат жарыяланганы негиз катары алынган.
"Эркин Европа/Азаттык" радиосунун вице-президенти жана башкы редактору Ненад Пейдж "биз коомдук жыйындарда жасалган айыптоо фактыларын кабарлаганбыз. Дароо ал фактылар боюнча кыргыз президентинин администрациясына кайрылып, алар комментарий берээр замат жарыялап турдук. Өз атыбыздан эч кимди айыптаган жокпуз", - деп белгилеген.
Булак: "centralasian.org"
< Предыдущий
Следующий >
Последние новости
