Тажикстандын "Сомон Эйр" компаниясынын чартердик каттам менен Бишкекке учуп келген учагындагы тажик жарандары кайра артка кайтарылды. Бул тууралуу "Манас" эл аралык аэропортунун маалымат кызматынан билдиришти.

Аба кемеси кечээ, 25-май күнү, "Манас" аэропортуна учуп келген. Анда 198 жүргүнчү болгон.

"Айрым ЖМКларда айтылып жаткандай, тажик жарандары аэропортто калып калышкан жок. Учакта үчүнчү өлкөлөрдүн 9 жараны болгон. Алар Бишкек шаарында калып, калгандары Душанбе шаарына учуп кетишти", — дешти маалымат кызматтан.

Түшүндүрмөгө караганда, буга Кыргызстан Тажикстан менен чек арасын убактылуу жапкандыгы себеп болду.

Эске салсак, Кыргызстан Тажикстан менен чек арага убактылуу чектөө киргизүү чечимин 21-май күнү кабыл алган. Азырынча тажик жарандарынын Кыргызстандын аймагына кирип, өлкө ичинде жүрүп жана мамлекетти транзиттик өлкө катары пайдалана албайт. Ошондой эле "Кулунду", "Кайрагач", "Кызыл-Бел", "Бордобо" жана "Карамык" өткөрүү пунктулары аркылуу коңшу өлкөгө жүк ташууга чектөөлөр бар.

Булак: NazarNews.kg