Бишкекте 65 жаштагы аял дайынсыз болуп, изделүүдө

Журналист: АЙСУЛУУ ТАЛАНТ

16.08.2022, 17:55

19138

коом

Бишкекте 65 жаштагы Бейшегүл Мамеркулова дайынсыз болуп, изделет. Ал үйүнөн чыгып кеткен бойдон жок болуп жатканын Ленин РИИБинин маалымат кызматынан билдиришет.

Маалыматка ылайык, 5-август күнү Бишкек шаарынын Ленин райондук ички иштер башкармалыгына борбор калаанын С.Б. аттуу тургуну 1957-жылы туулган эжеси Мамеркулова Бейшегүл Турсунбаевнаны издөөгө көмөк көрсөтүү өтүнүчү менен кайрылган. Анда ал 3-август күнү саат 14:00 чамасында Чүй кең көчөсү менен Жаш Гвардия бульварынын кесилишинде жайгашкан үйдөн чыгып кетип, үйүнө кайтып келген эмес.

Бүгүнкү күнгө чейин дайынсыз жоголгон аялдын кайда экени белгисиз.

Белгилери: Бою болжол менен 152-155 сантиметр, орто дене түзүлүштө, чачы ак-кара аралаш, коюу кара каштуу. Кийген кийими: жашыл көйнөк, бутунда кара бут кийим. Өзгөчө белгилери: Ичкиликти кыянаттык менен колдонот, кайырчылык менен алектенет.

Урматтуу жарандар! Бейшегүл Мамеркулованын жүргөн жерин аныктоого жардам бере турган кандайдыр бир маалымат болсо, төмөнкү телефондорго кайрылыңыздар: 0 (312) 352-605, 0 (312) 444- 457, 0 (312) 352-632, 0 (553) 102-880, 0 (773) 909-465, 0 (551) 088-330, 0 (701) 644-403, 0 (755) 579-580 жана 102.

Булак: NazarNews.kg