Борбор калаада чет элдик жаранды тамашага салган блогер милицияга жеткирилди. Бул тууралуу Биринчи Май райондук ички иштер бөлүмүнөн билдиришти.

Маалыматка ылайык, бул факты боюнча тергөөгө чейинки текшерүү иштери башталган. Текшерүүнүн жүрүшүндө пранкер О.А. аттуу жаран аныкталып, тергөө кызматына жеткирилген.

Учурда тергөөгө чейинки керектүү текшерүү иштери жүрүп жатат, жыйынтыгына юридикалык баа берилет.

Белгилей кетсек, окуянын видеосу буга чейин интернетте пайда болгон. Социалдык тармактын колдонуучулары пранкердин жоругун чагымчылдык деп атап, аны таап, жоопкерчиликке тартууга чакырышкан.