Бишкекте милиция кызматкерлери алдамчылыкка шектелген 65 жаштагы аялды кармашты. Бул тууралуу Октябрь райондук ички иштер башкармалыгынын басма сөз кызматы билдирди.

Маалыматка ылайык, пенсионер борбордун жашоочуларынын бирине Анар-Абак жаңы имаратында жайгашкан жер тилкесин сатууну убада кылган. Бирок 8 миң доллар алып, дайынсыз жоголгон.

«Октябрь райондук соту шектүүнү Бишкек шаарындагы СИЗО-1ге бир айга камакка алды», — деп айтылат маалыматта.

Кармалган адамдын бир катар кылмыштарга тиешеси болушу мүмкүн.

Шектүүдөн жабыркагандар 0502441112, 0709084244 же 102 телефон номурлары аркылуу милиция кызматкерлерине кайрылса болот.

Булак: NazarNews.kg