Бишкектеги №47 түзөтүү колониясында өрт чыкканын ӨКМдин басма сөз кызматы билдирди. Абактын аймагындагы 2 кабаттуу имараттан өрт чыкканы тууралуу маалымат 10-майга караган түнү түшкөн.

Саат 00:08де окуя болгон жерге эки өрт өчүрүүчү бригада жана бир суу ташуучу машине жөнөтүлгөн. Саат 01:08де өрт чектөөгө алынып, саат 03:39да толугу менен өчүрүлгөн.

№47 абак демонтаждалып жаткан, ал жерде кармалгандар мурда башка атайын мекемелерге которулган. Жаза аткаруу кызматы азырынча комментарий бере элек.

Булак: NazarNews.kg