Бишкектин Сүйүнбаев жана Огонбаев көчөлөрүнүн кесилишинде үч унаанын катышуусунда жол кырсыгы катталды. Алардын бири катуу соккудан оодарылып кеткен. Бул тууралуу окуянын күбөлөрү билдирди.

«Бул кесилишке жол чырак орнотуу зарыл, ал жерде эл абдан көп, жанында мектеп бар. Адам өмүрү кыйыла электе мамлекеттик бийлик өкүлдөрүнөн кырдаалга көңүл бурууну суранабыз», — деп жазган ал.

Бишкек шаардык Жол коопсуздук кызматы окуя боюнча кийинчерээк маалымат берүүнү убадалады.