Армениянын жүзгө жакын жараны парламент имаратынын алдына чогулуп, Армения-Азербайжан чек арасында кырдаал курчуп кеткенден кийин премьер-министр Никол Пашиняндын кызматтан кетишин талап кылышууда. Бул тууралуу ТАСС билдирди.

«Пашинян биздин өлкөнүн премьер-министри болуп кала турган болсо, биздин балдар 44 күндүк согуш учурундагыдай өлөт. Биз Азербайжанга Армениянын эң чоң душманы болгон Никол Пашинянды гана берүүгө даярбыз», - дейт Армениянын Польшадагы мурдагы элчиси Эдгар Казарян.

Ал ошондой эле чогулгандар депутаттар менен жолугушууга ниеттенип, депутаттар Пашинянга каршы импичмент жараянын баштоого ниеттенип жатабы же жокпу, билгиси келгенин билдирди.

Эске сала кетсек, 13-сентябрга караган түнү Армениянын куралдуу күчтөрүнүн бөлүктөрү Азербайжан-Армения мамлекеттик чек арасынын Дашкасан, Калбажар жана Лочин багыттарында ири провокация жасаган.

Армения менен Азербайжандын чек арасында салгылашуу 13-сентябрда жергиликтүү убакыт боюнча саат 00:05те башталган. Баку Ереванды чагымчылдык үчүн айыптап, кагылышуунун себеби ушул экенин билдирди.

Расмий Бакунун маалыматы боюнча, 13-сентябрга караган түнү Армениянын куралдуу күчтөрүнүн бөлүктөрү Азербайжан-Армения мамлекеттик чек арасынын Дашкесан, Калбажар жана Лочин багыттарында ири провокация жасаган. Кагылышууда Азербайжандан 50, Армениядан 49 аскер шейит болду. Тараптар ок атышпоону 13-сентябрда эртең менен калыбына келтирүүнү макулдашты.

Булак: NazarNews.kg