АКШнын мамлекеттик катчысы Энтони Блинкен Стамбулда Түркиянын президенти Режеп Тайип Эрдоган менен жолугуп, Жакынкы Чыгыш жана Украинадагы жаңжалды талкуулады. Бул тууралуу АКШнын Мамлекеттик департаментинин басма сөз катчысы Мэтью Миллер билдирди.

"Мамлекеттик катчы чыр-чатактын жайылышын болтурбоо, барымтадагыларды бошотуу, гуманитардык жардамды кеңейтүү жана курмандыктарды азайтуу, Израилдин коопсуздугун камсыздай турган жана Палестина мамлекетинин түзүлүшүн колдой турган кеңири, узак мөөнөттүү аймактык тынчтыкка жетишүү зарылдыгын билдирди", - деди Миллер. 

Блинкен менен Эрдоган Европанын коопсуздук маселелерин да талкуулашты. Алар Украинадан тышкары Швециянын НАТОго мүчөлүгүн жыйынтыктоо жана АКШ менен Түркиянын ортосундагы соода жана инвестицияны көбөйтүү боюнча макулдашышты жана Блинкен Грецияга учуп сапарын аяктады.

Буга чейин Блинкен Стамбулда Түркиянын тышкы иштер министри Хакан Фидан менен жолугуп, Швециянын НАТОго мүчөлүк арызы, Анкарага АКШнын F-16 согуштук учактарын сатуу, түрк-грек мамилелерин жөнгө салуу, ошондой эле Эрдогандын АКШга ыктымал сапары тууралуу сүйлөшкөн.

Маалымат үчүн, Блинкен 4-январда Жакынкы Чыгышка Израилге, Түркияга жана бир катар араб өлкөлөрүнө баруу планы менен жөнөп кеткен. Кабарларга караганда, Блинкен Жакынкы Чыгыштагы чыр-чатакты жөнгө салууну Батыш Шериа, Израил, Иордания, Катар, Бириккен Араб Эмираттары жана Сауд Арабиясынын расмий өкүлдөрү менен талкууламакчы.

Булак: NazarNews.kg